Andrea Zanzotto
LA TARESA
Che la ghe féa psicoterapia ale altre vecéte
V Taresa me fa mal
T Va’ dal dotor
V E se ‘l me manda in ospedal
T Tu ghe va e i te cava ‘l mal
V E se no i me guaris
e magare more!
T Una de manco
E, col nome de Dio, la asséa cete
E contente ‘ste signore
LA TARESA
che squasi sote i nonanta
la se féa psicoterapia ela sola.
La ‘ndéa in let prima de not
la se indormenzhéa
la se svejéa sui tre bot:
“Ciò, no son-e ancora viva!”
Né trista né lieta avea sembianza
Co la diséa cussì, po la se oltea
E inte la sòn la tornéa galiva galiva
E ‘l santo Gotamo lontane l ridoléa.
[Annotava Zanzotto a proposito di Santo Gotamo: di fatto c’è notizia che nelle chiese orientali talvolta anche Budda era compeso nell’elenco dei santi.]
A.Z. “Meteo”, Donzelli, 1996